News-Details

डॉ. राजेंद्र गोडे फार्मसी महाविद्यालय, मलकापूर येथे संत गाडगेबाबा जयंती उत्साहात साजरी

| Date: 2026-02-23

इंदिरा बहुउद्देशीय शिक्षण संस्था (IBSS) संचलित डॉ. राजेंद्र गोडे फार्मसी महाविद्यालय, मलकापूर येथे संत शिरोमणी गाडगे महाराज यांची जयंती मोठ्या उत्साहात आणि आदराने साजरी करण्यात आली. संत गाडगेबाबा यांच्या स्वच्छता, समाजसुधार आणि शिक्षण प्रसाराच्या विचारांना मानवंदना देत, या कार्यक्रमात प्लास्टिक मुक्त पर्यावरणाचा निर्धार करण्यात आला.

संस्थेचे सन्माननीय अध्यक्ष श्री. योगेंद्रजी गोडे साहेब आणि माननीय सचिव कु. तन्वी गोडे मॅडम यांच्या प्रेरणेने तसेच महाविद्यालयाचे प्राचार्य डॉ. प्रशांत देशमुख सर यांच्या मार्गदर्शनाखाली राष्ट्रीय सेवा योजना (NSS) अंतर्गत हा कार्यक्रम आयोजित करण्यात आला होता.

कार्यक्रमाचे प्रमुख पाहुणे म्हणून महाविद्यालयाचे प्राचार्य डॉ. प्रशांत के. देशमुख आणि शैक्षणिक व्यवस्थापक डॉ. व्ही. एस. अढाव यांनी संत गाडगे महाराजांच्या प्रतिमेचे पूजन केले. या निमित्ताने उपस्थित सर्वांनी प्लास्टिकमुक्त, स्वच्छ आणि पर्यावरणपूरक जीवनशैली अवलंबण्याचा संकल्प केला.सदर कार्यक्रमास राष्ट्रीय सेवा योजना कार्यक्रमाधिकारी डॉ. मंगेश देवकर यांनी नियोजन केले कार्यक्रमास महाविद्यालयीन सर्व शिक्षक व शिक्षकेतर कर्मचारी आणि सर्व विद्यार्थी उपस्थित होते कार्यक्रमाची सांगता प्रा. अनंता तितरे यांनी खरा तो एकची धर्म या प्रार्थनेने कार्यक्रमाचा समारोप केला.

संत गाडगे महाराज हे स्वच्छतेचे जनक म्हणून ओळखले जातात. त्यांच्या जयंतीनिमित्त राज्यभरात विविध स्वच्छता अभियान आणि समाजप्रबोधन कार्यक्रम राबवले जातात. डॉ. राजेंद्र गोडे फार्मसी महाविद्यालयातील हा उपक्रम NSS च्या माध्यमातून युवा पिढीला संतांच्या आदर्शांचा परिचय करून देणारा आणि पर्यावरण जागृतीचा संदेश देणारा ठरला.

या कार्यक्रमामुळे महाविद्यालयातील विद्यार्थी आणि कर्मचाऱ्यांमध्ये संत गाडगे महाराजांच्या विचारांचा प्रसार होण्यास मदत झाली असून, प्लास्टिक मुक्त परिसरासाठी प्रत्यक्ष कृतीत उतरून योगदान देण्याची प्रेरणा मिळाली आहे.